Mu gihe abantu benshi bakoresha imbuga nkoranyambaga mu gusabana no kwamamaza ibikorwa byabo, hakomeje kugaragara amatsiko ku kibazo gikunze kwibazwa: Ese hari uburyo bwo kumenya abantu bareba profili yawe kuri Instagram?
Nubwo hari porogaramu n’imbuga zitandukanye zivuga ko zibishobora, ubuyobozi bwa Instagram bugaragaza ko nta gikoresho cyemewe gituma umukoresha abona urutonde rw’abarebye profili ye.
Instagram isobanura ko irinda ubuzima bwite bw’abakoresha bayo. Kubera iyo mpamvu, ntabwo itanga amakuru agaragaza abarebye profili y’umuntu. Ibi bivuze ko porogaramu cyangwa serivisi zibisezeranya akenshi ziba zidafite uburenganzira bwo kubona ayo makuru.
Nubwo utamenya abarebye profili yawe, hari amakuru make Instagram igaragaza:
Abarebye “Story” yawe: Iyo ushyizeho Story, ushobora kubona urutonde rw’abayibonye mu masaha 24.
Imibare ku mapaji y’ubucuruzi (Professional accounts): Abakoresha konti z’ubucuruzi bashobora kubona imibare rusange (nk’umubare w’abasuye profili), ariko ntibabona amazina y’abantu ku giti cyabo.
Engagement: Ushobora kureba abakunda (likes), ibitekerezo (comments), n’abagukurikira “followers”.
Impuguke mu by’ikoranabuhanga ziburira abakoresha kwirinda porogaramu zisaba: Ijambo ry’ibanga (password), Uburenganzira budasobanutse bwo kwinjira kuri konti
Izi porogaramu zishobora guteza ibibazo by’umutekano w’amakuru cyangwa kwibwa konti.
Koresha igenamiterere rya “Privacy” ugene uko profili yawe ibonwa. Shyira imbaraga mu gutegura ibikurura abantu (content quality). Wirinda guha amakuru y’ibanga serivisi zitazwi.
Kugeza ubu, nta buryo bwemewe bwo kumenya abantu bareba profili yawe kuri Instagram. Icyo ushobora gukurikirana ni imibare rusange n’abareba Story yawe. Abakoresha basabwa kwitondera porogaramu zibasezeranya ibirenze ibyo Instagram itanga.