Ikigo cy’ikoranabuhanga OpenAI cyatangije ku rwego rw’isi yose uburyo bushya bwa Group Chat muri ChatGPT, butuma abantu bagera kuri 20 bashobora kuganira no gukorana n’iyo AI mu kiganiro kimwe.
Iyi serivisi iri ku bakoresha bose binjiye muri konti, ku maplani ya Free, Go, Plus na Pro.
Iyi gahunda igamije koroshya imikoranire mu gutegura imishinga, ingendo, amasomo cyangwa ibiganiro by’akazi, aho ChatGPT iba igize uruhare nk’umufasha w’ikoranabuhanga.
Uko watangira Group Chat yawe ya mbere
Gutangiza Group Chat biroroshye:
1. Fungura ChatGPT
2. Kanda ku kimenyetso cy’“abantu” (people icon) hejuru iburyo
3. Hitamo Start group chat
4. Shyiraho profili yawe (izina, username n’ifoto) niba ari ubwa mbere
5. Sangiza abandi invite link kugira ngo binjire mu kiganiro
Abari mu itsinda bose bashobora gusangira iyo link, bigafasha kongeramo abandi.
Uko ChatGPT yitwara mu kiganiro
ChatGPT ishobora:
Gukurikirana ibiganiro no kumenya igihe ikwiye gusubiza
Gusubizwa mu buryo bwihariye iyo uyivuze mu butumwa (nko kwandika “ChatGPT”)
Gutanga ibisubizo bishingiye ku byo itsinda riri kuganiraho
No kugaragaza reactions zirimo emojis
Ibi bituma iganira nk’uri mu itsinda, aho kuba igikoresho gusa.
Uko ubuzima bwite burindwa
OpenAI ivuga ko:
✔ Group chats zitandukanijwe n’ibiganiro byawe bwite
✔ ChatGPT ntikoresha memory cyangwa custom instructions za konti yawe
✔ Hashobora gushyirwaho custom instructions z’itsinda gusa
Ibi byongerera icyizere abakoresha ku mutekano n’ibanga ry’amakuru.
Uko wayobora itsinda
Ushobora guhindura igenamiterere ry’itsinda ukoresheje:
1. Gukanda ku izina rya chat hejuru
2. Guhindura izina ry’itsinda
3. Kongeramo cyangwa gukuramo abanyamuryango
4. Gufunga notifications (mute)
5. Gusohoka mu itsinda (leave group)
Ibindi by’ingenzi kumenya
Imipaka y’ubutumwa (rate limits) ikoreshwa gusa igihe ChatGPT yohereje ubutumwa
Nta mbogamizi ku butumwa bwo hagati y’abakoresha
Iyi feature iboneka ku maplani yose
Group Chat ya ChatGPT izanye impinduka zikomeye mu mikoranire hagati y’abantu na AI. Ishobora gufasha mu gutegura ingendo, imishinga, kwiga no kungurana ibitekerezo mu buryo bworoshye kandi bwihuse. Ni indi ntambwe igaragaza uko AI igenda iba igikoresho cy’imikoranire ya buri munsi.