Ubutumwa bwihariye (Direct Messages) kuri X, yahoze yitwa Twitter, bufasha abakoresha kuganira mu ibanga n’abandi bakoresha uru rubuga. Ushobora kugirana ikiganiro n’umuntu ugukurikira, gukora itsinda ry’abaganira, cyangwa kwakira ubutumwa buvuye ku muntu utamukurikira niba warabyemereye.
Mu rwego rwo korohereza abakoresha, X yashyizeho uburyo bwo gupina (pin) ibiganiro by’ingenzi kugira ngo bihore bigaragara hejuru mu gasanduku ka DM.
Uko gupina bigufasha gushyira ibiganiro wifuza hejuru y’ibindi, bityo bikoroheye kubibona vuba. Umukoresha yemerewe gupina ibiganiro bigera kuri bitandatu (6) icyarimwe.
Uko wapina ikiganiro kuri DM
1. Fungura porogaramu ya X (Twitter) ujye mu gice cya Direct Messages.
2. Hitamo ikiganiro wifuza gushyira hejuru mu gasanduku ka DM.
3. Kanda ku kimenyetso cya More (… ).
4. Hitamo Pin Conversation.
Nyuma yo kubikora, ikiganiro wapininze kizahita kigaragara hejuru y’ibindi. Ibiganiro bipinzwe bigaragara hakurikijwe uko wabipinze, uhereye ku cya mbere kugeza ku cya nyuma.
Uko ukuraho ikiganiro wapinze
Niba ushaka gukuraho ikiganiro ku rutonde rw’ibipinzwe, kanda kuri More (… ) ku kiganiro icyo ari cyo cyose wapinze, hanyuma uhitemo Unpin Conversation.
Iyi serivisi ituma abakoresha X bashobora gucunga neza ubutumwa bwabo, by’umwihariko abakira DM nyinshi buri munsi.