Umuhanzi w’indirimbo zo kuramya no guhimbaza Imana, Niyo Bosco, yasabye anakwa umukunzi we Mukamisha Irene, mu muhango wabaye nyuma y’uko bombi bari bamaze gusezerana imbere y’amategeko ko bazabana akaramata.
Uyu muhango wabaye kuri uyu wa Gatanu, witabirwa n’inshuti n’abavandimwe b’impande zombi, aho byari ibyishimo n’akanyamuneza kenshi ku miryango yombi.
Abari bawitabiriye bagaragaje ko bishimiye iki gikorwa cy’ingenzi gishyize umucyo ku mubano wa Niyo Bosco na Mukamisha Irene, kikaba intambwe ikomeye iganisha ku buzima bw’urugo.
Niyo Bosco, uzwi cyane muri musika nyarwanda, akunzwe n’abatari bake kubera ubutumwa bwiza n’indirimbo zubaka imitima. Iyi nkuru y’ibyishimo yakiriwe neza n’abakunzi b’umuziki we, bagaragaje ko bamwifuriza umugisha n’urugo ruhire.